AEDIGAL asiste á entrega dos recoñecementos Medrando Xuntas Impulsa 2026

AEDIGAL asiste ao acto de entrega dos recoñecementos Medrando Xuntas Impulsa 2026, promovidos pola Xunta de Galicia para visibilizar o talento e o liderado feminino na economía social galega. No acto organizado pola cooperativa galega Abeluria, participaron as directoras xerais de Traballo Autónomo e Economía Social, Marta Mariño, e de Promoción da Igualdade, Eloína Ingerto, xunto coa directora xerente de Espazo COOP, Lucía Mendoza.

Este evento puxo o broche final ao programa Medrando Xuntas, desenvolvido desde o mes de abril, que incluíu formacións, encontros e accións de visibilización dirixidas a fortalecer a participación das mulleres nas entidades da economía social.

No acto distinguíronse iniciativas en tres categorías clave: impacto social, innovación e sostibilidade, destacando proxectos que contribúen á inclusión social, á mellora da calidade de vida e ao desenvolvemento comunitario.

A presenza de AEDIGAL neste encontro reforza o compromiso co impulso da economía social e coa promoción de modelos máis inclusivos, en especial no ámbito das persoas con discapacidade intelectual e as súas familias.