AEDIGAL, en calidade de organización empresarial que defende os intereses dos centros especiais de formación e emprego, residencias, vivendas tuteladas, centros de día e centros ocupacionais dos que son titulares as entidades ás que representa, solicitou no 2022 a súa integración na Confederación de Empresarios de Pontevedra (CEP).

De forma paralela á solicitude de integración, Jorge Cebreiros e Eladio Fernández, presidentes da Confederación e de AEDIGAL, respectivamente, asinaron un convenio de colaboración que ten como principal finalidade, intercambiar e compartir información, co fin de poñer en coñecemento das súas empresas e organizacións integradas as actividades e proxectos de interese mutuo.

Como parte desta cooperación, darase a coñecer o labor social de AEDIGAL á vez que se informará da importancia de integrar na contorna empresarial a persoas con discapacidade intelectual ou do desenvolvemento. Cabe lembrar que entre as funcións de AEDIGAL, destaca a xestión adecuada da diversidade, para lograr unha integración laboral dos usuarios sen menoscabo da rendibilidade económica e social.

Ademais, a nosa patronal informará e asesorará ás empresas interesadas en contratar a persoas con discapacidade intelectual ou do desenvolvemento ou con risco de exclusión social das subvencións, bonificacións e axudas dispoñibles. Fará o propio coas existentes para a formación e adaptación ao posto de traballo deste colectivo.

O convenio asinado por ambas entidades tamén contempla a elaboración de programas formativos e de inserción laboral, ou a promoción de proxectos de interese común financiados con fondos estatais, autonómicos ou locais. A Confederación, pola súa banda, facilitará a difusión das actividades de AEDIGAL promovendo a súa presentación a outras asociacións xa integradas, para expor sinerxías e colaboracións entre elas.

e acorda co resto de interlocutores sociais marcos xerais de referencia de relacións laborais e convenios colectivos, apoiando ás asociacións empresariais socias nos seus procesos de negociación de convenios colectivos autonómicos e ás súas entidades nas negociacións particulares de convenios de empresa.

Durante o 2023 a Asociación Empresarial para la Discapaciad (AEDIS), ratificou en Reunión de Asemblea Xeral a alta de AEDIGAL como patronal autonómica galega. A comezos do 2024 a xerente da patronal estatal visitou Galicia para explicar as vantaxes de pertencer a AEDIS e os servizos dos que poden dispoñer.